Abantu [15] ni bo bataramenyekana irengero inyuma y’aho igorofa y’inzu zirindwi ibomokeye mu buseruko bw’igisagara cya Nairobi.Umuryango utabara imbabare, Croix rouge, muri Kenya wanditse ku rubuga rwa twitter ko abashinzwe gutabara bamaze gushyika aho iyo nyubakwa yabomokeye i Kware, mu karere ka Embakasi.
Ikinyamakuru cya Star kivuga ko abantu barenga makumyabiri[20] bakuwe muri iyo gorofa akanya gato imbere y’uko isenyuka.Abayizi babwiye icyo kinyamakuru ko byagaragara ko ishobora gusenyuka kuko yari ifite imigaga ku gihome.
Uyoboye ibikorwa byo gutabara, Pius Masai, yavuze ko abantu barenga [100] barokowe, ariko yongeraho ko haba hari abandi iyo gorofa yaba yaguyeho batarasohoka.”Ibikorwa byo gutabara biriho birakorwa,” ni ko yavuze mw’itangazo, yashyize ahagaragra ahamagarira abantu bose bafite ibikoresho byo gufasha gutabara ko babizana.
