Redoine Faid yatumye hagomogwa abantu 3000 basabwe kumurondera inyuma yaho ahungiye na kajugujugu ava mw’ibohero ryo mu gisagara cya Paris abifashijwemwo n’abagabo batatu bafite ibirwanisho.
Abagabo babiri bipfutse mu maso bafite inkoho nk’izikoreshwa mu ndwano, bakoresheje ibibombe birekura umwuka n’imashini zigegena ibyuma kugira ngo bashyike mu cyumba cy’abashyitsi aho Faid yariho avugana n’uwo bavukana.
Undi mugabo wa gatatu yari mu kigo cy’ibohero areretse indege n’umudereva wayo – umwigisha wo gutwara indege izo nkozi z’ikibi zanyuruje.Iyo kajugujugu yagurutse ijya mu karere kari hafi ka Gonesse, aho igipolisi cyayitoye.
Faid w’imyaka 46, yari mu gihano cy’igipfungo cy’imyaka 25 mu kuba yigeze kujya kwiba ariko ntiyorohewe, icyo kuko icyo gihe hapfuye umupolisi .
Bubaye ubwa kabiri atoroka avuye mw’ibohero: mu 2013, yarahunze amaze kwikingiza abantu bane, agaturitsa imiryango akoresheje “dynamite”.
