Ubukwe bw’ibwami mu mwaka w’2018: amakuru yingenzi twamenye

Amasaha makeyi imbere y’uko Umuganwa Harry na Meghan Markle bashinga urugo rwabo, ng’ibi ivyo twomenya kur’ubu bugeni buranze uyu mwaka.

Abageni bashinga urwabo isaha zitandatu kur’uyu wa gatandatu mw’isengero y’ibwami, yitiriwe umweranda George. Ni naho umuganwa Harry, cyo kimwe n’umwigeme Markle babatirijwe.

Ng’uku uko uwo munsi ntibagiranwa kuri bo biteganijwe:

08:00 Abongereza n’abandi bava mu mihingo bifuza kurorera ivyo birori, niho basabwa kuba bariko barashika, bamwe bafata icicaro ku twatsi turi imbere y’iyo nyubakwa;

09:30 Abatumire barashikanwa mw’isengero, bagasabwa kuba bafashe icicaro isaha 11:15;

11:20 Umuryango w’ibwami niho ushika;

12:00 Ibirori byo mw’isengero biratangura, imbere y’abashitsi baharurwa mu 600;

13:00 Abo bageni bashasha baratangura urugendo rw’iminota 25, kuva kw’isengero, bacya mur’icyo gisagara cy’umuryango w’aba Windsor;

Inyuma y’umutaga: Mu kibanza cagutse cy’iyo nyubakwa irimwo isengero, haraba akazimya musase, abageni basangire n’abatumire babo;

Mw’ijoro: Umuganwa Harry arazimana umuryango n’abashitsi biwe bashika ku 200, mu nyubakwa ya Frogmore, abageni bagiye kubamwo.Ibi menyesha makuru bikomeye mu Bwongereza birashimikira kur’ibi birori kur’uyu wa gatandatu wose.

Ikinyamakuru cya BBC cyaritunganije, kirategura ibishoboka vyose ku buryo n’imbonesha kure ziri hirya no hino mu bibanza bihurira mwo abantu, ndetse no ku ma barabara, zerekana urwo rubanza ikibirira ho.Ibi birori kandi ushaka arabikurikirana ku mbuga ngurukana bumenyi za BBC.

Ushaka kwishyikira ahabera ibirori …

Abantu bashika ku 100,000 nibo bitezwe gushika mur’ico kibanza c’umuryango w’aba Windsor. Ariko ni ukumenya ko nk’iterenti ziguma zuzuye abantu. Ibibanza bya parikingi z’imiduga biraharuye.

Ibibanza abantu batonda mo, bategereye izo terenti byaratunganijwe, kugira ngo ingendo zitunganywe nta misunikano.

Igi polisi cya Thames Valley kiriteguye ku bibazo vyose bijanye n’umutekano, abantu bagasabwa nko gushika aho babwirizwa kuba bari hakiri kare kugira ibikorwa vy’igenzura canke isakwa ry’udusaho tw’abantu bigende neza.

Abafite ingendeshwa bamenyeshwa ko inzira urugendo abageni baza gucamwo, yugaye kuva 22 : 00, kur’uyu wa Gatanu.

Umugeni Meghan Markle, ninde muri make?

Uyu mwigeme Markle, ni umukinyi w’ama lelesi. Yavutse itariki 4 z’ukwezi kw’umunani mu 1984, akurira i Los Angeles muri Amerika, ariko ubu yar’asanzwe aba i Toronto muri Canada.

Yakuriye mu kibanza camenyekanye kw’izina rya “Black Beverly Hills”.

Yatangiye inyigisho mu mashure y’intango y’abigenga,  abarangije ayisumbuye mw’ishure ry’abakobwa ry’aba Katolika. Yaronse urupapuro rw’umutsindo muvyirwa vyo kumenyekanisha -Communication-, muri kaminuza ya Northwestern, mu mwaka wa 2003.

Abemerewe gushyika ahabera ibirori

Ubutumire nk’ubu nibwo bwarungikiwe abashitsi bashika ku 600. Abandi 200 batumiwe mu nzimano yo ku mugoroba – harimwo n’aba ‘Spice Girls‘, umurwi w’abagore b’abaririmvyi rurangiranwa.

Kubera imvo z’amagara, se wa Markle -Thomas Markle yamuka muri Mexiko- nt’aza gushika ahabera ibirori. Itariki ya 16 z’ukwa gatanu, byavurwa ko yoba ariko yitegurira kubarwa umutima. Umukobwa wiwe yamenyesheje ko, kwitaho amagara yiwe arico gikomeye.

Mama we Markle wewe – Doria Ragland- yashitse mu Bwongereza ku wa gatatu. Mubo bitegekanijwe ko babonana, harimwo Umwamikazi, samurarwa wa Edinburg -Filipo-, na ba samurarwa b’i Cambridge.

Ku ruhande rw’umuryango w’umuganwa Harry, ikirimba cy’i Kensington cyemeje ko umufasha w’Umwamikazi -Samurarwa w’i Edinburg- ahishikira, naho aheruka kugira utubazo tw’amagara, amaja mw’itako.

Ariko umuhungwabo w’umuganwa Harry, umuganwa Louis aza kuba akwije indwi zitatu z’amavuka, nt’aza kuhashikanwa.Umushikiranganji wa mbere w’Ubwongereza -Theresa May- hamwe n’umukuru w’umugambwe w’aba Labour -Jeremy Corby-, ntibari ku rutonde rw’abatumiwe.

Amakuru ava ku kirimba i Kensington avuga ko, nimba Perezida wa Amerika Donald Trump atatumiwe, ari ibyapfunditswe na leta, bikanibutsa ko umuganwa Harry aza ubwa gatandatu ku rugero rwo kw’imikwa nk’umwami.Ndetse, na Barack Obama n’umupfasoni wiwe basanzwe ari abagenzi b’umuganwa Harry, ntibatumiwe.

Uburyo abageni bashikanwa ahabera urubanza

Ni mur’ino nyubakwa iri mu muji wa Buckinghamshire, iri hafi ibilometero 15 uvuye ahari inyubakwa y’ibwami, umwigeme Markle akwije imyaka 36, yaraye, ari kumwe na nyina wiwe Doria Ragland.

Umuganwa Harry, akwije imyaka 33, wewe yaraye mu karere ka Dorchester Collection -ku bilometero 24 hirya-, hamwe na mwene wabo, samurarwa w’i Cambridge.

Ku mutaga, umwigeme Markle ashikanwa kw’isengero n’ingendeshwa, ari kumwe n’umuvyeyi wiwe. N’abaganwa bagirira urugendo hamwe.

Abasore n’inkumi baherekeza umugeni

Abaherekeza Markle bose, ni abana b’abakobwa n’abahungu.Umuganwakazi Charlotte na musaza we Georg -abana b’Umuganwa William- ni bamwe mur’abo bana baherekeza umugeni.

Uhagaririye w’umuganwa Harry 

Nk’uko vyitezwe, umuganwa Harry yasavye mukuruwe William kumushigikira.

Umuganwa Harry yabaye umuhagarikizi wa samurarwa wa Cambridge -umuganwa William- igihe yashinga urwiwe na Kate Middleton mu mwaka w’2011.

Ikirimba cy’i Kensington kimenyesha ko umuganwa William “yatewe iteka gusabwa”, akanemera gushigikira murumuna we Harry.

Ninde ahimbaza ibi birori?

Musenyeri mukuru wa Canterbury, Justin Welby, niwe ahimbaza ibirori by’ubugeni bw’umuganwa Harry n’umwigeme Markle.

Musenyeri David Conner, arongoye imigirwa y’idini rya anglikani ku kirimba c’umuryango w’aba Windsor, niwe arongora ibirori bibera mw’isengero ryitiriwe umweranda George.

Mur’icyo gihe, umu pasitori w’umuny’Amerika -Reverando Michael Curry-, araza gushikiriza ijambo. Pasitori Curry arongoye ishengero rya episkopale muri mu Bwongereza.

Ibijyanye n’umukate w’ubugeni.

Umuganwa Harry na Meghan Markle bahisemwo umukate umemereye mwo indimu, usharijwe n’amashurwe.

Mu kwubahiriza imico ijanye n’ibirori nk’ibi, hakurya muri Amerika, abageni bikoze kuri Claire Ptak, umuny’Amerika kazi w’umuhinga mu nyandiko zijanye n’imfungurwa.

Yavukiye, anakurira i Kaliforuniya muri Amerika, imbere y’uko yimukira mubuseruko bw’umuji wa London mu Bwongereza, aho ahingurira imikate itandukanye.

Uburyo abageni bazakomeza urugo rushyashya rwabo

Italiki n’ikibanza ry’iri ninahaza ntibirashirwa ahabona – uretse ko ikirimba cy’i Kensington kimenyesha ko bitazoca bitangura ubwo nyene.

Bazajya kw’ishimira ubumwe bushyashya bashingiye ibwami, nk’umugore n’umugabo, mu ndwi ikurikira ubugeni.

Ubwoko bw’utuganuke duhabwa abageni

Urashobora kutazoshobora kuronswa utuganuke dutanzwe n’abageni, ariko ico nticobuza abantu kwironkera utuganuke nk’utwo tuzokwama tubibutsa uwo munsi w’intibagirwa, cyane cyane ku bakunda ibihingurwa n’abashinwa.

Utwo tuganuke tugizwe n’ibikombe hamwe n’amasahani.

Urubumbiro rwa Halcyon Days ni imwe mu nganda 14 zisanzwe zishorerwa ibikoreshwa vyose mu nzu ibwami.