Kamarampaka ya ll itemewe n’amategeko,Umwami w’uRwanda Kigeli V.Ndahindurwa atari mu gihugu nyuma y’imyaka 56 akorewe kudeta!

Umunsi nk’uyu wa kamarampaka yo ku wa 17 ukuboza,2015 haba har’icyo ivuze mu banyarwanda bakomeje kuyoborwa n’igitugu cy’Abarepublike  uhereye igihe ubwami bw’uRwanda bwasenyewe n’abazungu bo mu bwoko bw’Ababiligi?Uyu munsi wibutsa  uburyo ababiligi bakoresheje abanyarwanda bo mu bwoko bw’Abahutu(extremists) ubutegetsi bwo mu bwoko  bw’Abarepublike, uburyo bwemeye kugambanira igihugu cyabo none bikaba bikomeje kubagiraho ingaruka z’ikinyoma ndetse icyo kinyoma kikaba gikomeje kwiyongera kugeza nubwo gihanagura ikindi kinyoma kugirango imizi y’ikinyoma irusheho gukomera!Amateka yisubiramo.

Abarepublike Extemists hutu bajyaga bigamba ko basezereye ingoma ya cyami na gikolonize,ndetse bakongeraho ko ari nabo basabye ubwigenge,ariko noneho ibyo bakoreye ubwami bw’u Rwanda,uyu munsi nabo nibyo bakorewe.Kuko byanditswe ngo “uwicisha inkota nawe niyo azazira”.Ngaho umwakagara arabishe arabafunze ndetse yabakuye umutima ko bagomba kwibagirwa ikijyanye nubutegetsi mu mibereho yabo ya buri munsi ahubwo bakayoboka bakemera gutegekwa nigitugu!

Ubu se koko tuvugishije ukuri,gutegekwa n’ubwami bugendera ku itegeko nshinga,no gutegekwa na republika ihishe ubwami kandi ibeshya yuko ari republika,hejuru yibyo ikaba itanemewe n’amategeko.None byose umwakagara akaba abihinduye ubusa,koko murabona abanyarwanda tutagushije ishyano!

Umwiru mukuru warwanije ijambo Imana ishobora byose!Ku ngoma y’Abega babakagara bene Serwega rwa kagara!Akaba yarabiigezeho.

Uhereye ku munsi wejo ku wa 17 ukuboza 2015 amateka y’abaxtremists republican hutu’s,azasimburwa n’amateka y’Aba Extremits republican Tutsi atemewe n’amategeko.Ninayo mpamvu umwakagara yifuzaga yuko iyi Kamarampaka itemewe n’amategeko yakoreshwa ari uko Umwami w’uRwanda Kigeli V.Ndahindurwa ari mu gihugu.

Ariko yiyibagije yuko,mbere yuko kamarampaka ya mbere ikorwa ko ari we waruyoboye igihugu mu buryo bwemewe n’amategeko,kandi ko kugeza magingo aya,nta muntu numwe uramusimbura ku buryo bwemewe n’amategeko.Bivuze yuko,anagarutse mu gihugu byasaba ko ari we ukomeza kuyobora igihugu nk’uko yarahiriye ubwami bugendera ku itegeko nshinga!Umwakagara amaze kubona yuko kugura ubwami bidashoboka,nibwo ahisemo gukoresha kamarampaka itemewe na none na mategeko ndetse agahindura itegeko nshinga yamara kurihindura akabona kujya mu baturage kujya gusaba amajwi y’ibyo yamaze gufatira icyemezo.

Nawe ubwe yarabyivugiye ku wa 06 ukuboza ko itegeko nshinga ryamaze guhinduka!Igisigaye ari kuzuza umuhango kandi ko uzashaka kumwambura ubunyarwanda bazahangana.Ndetse yanumvikanye cyane agaya ijambo bita demokarasi ngayo ng’uko ibyabanyarwanda imbwa zabirwaniyemo kubera kurwanira ubutegetsi butemewe n’amategeko.Ahangaha urabona yuko,bwa bwinshi bw’Abahutu bahoraga barata ko nta cyo bushobora kugira icyo bubamarira muri republika itemewe n’amategeko ko ahubwo bufite umumaro mu bwami bugendera ku itegekonshinga bwonyine nibwo bushobora gutanga igisubizo mu banyarwanda bifuza gukora politike irimo demokarasi aho gukora politke ya CrossCrasi.

Twibutse yuko uyu munsi turi bujye gutora Yego nta gutora Oya!Kuko uko niko byateganijwe cyangwa byategetswe,uwibeshya gutora Oya,ubwo azabaga yifashe kuko ufashe ikirindi niwe nyirinkota.Ejo ku wa 18 ukuboza mu gihugu naho bazatora Yego,uzibeshya agatora Oya,hehe nibyangombwa kuko bazahita bahindura indangamuntu bagashyiraho iyitwa nd’umunyarwanda kugirango abafite iyari sanzwe bamburwe ubunyarwanda.Usibyeko ubunyarwanda atari urupapuro ahubwo ar’inkomoko y’inyoko muntu.