Intumwa ya satani Dr.Paul Gitwaza,nahanure ubuanuzi bwe,areke kubeshya abamukurikiye ko ahanura yitwaje ubuhanuzi bw’Umuhanuzi Ezeliel.Iyi nkuru twayikuye ku kinyamakuru cye gikorera murwagasabo.
Intumwa ya Satani Dr. Paul Gitwaza yatanze ubuhanuzi bushingiye ku miyaga ine.Mu gitondo cyo kuri uyu wa kane, Apôtre Dr. Paul Gitwaza uyobora Zion Temple Celebration Centre ku isi, yumvikanye kuri Radiyo ye atanga ubuhanuzi yifashishije imiyaga ine, ari yo : umuyaga w’iburasirazuba, uw’iburengerazuba, uw’amajyepfo n’uw’amajyaruguru.
Yigisha, Gitwaza yifashishije Ijambo ry’Imana riri mu gitabo cya Ezekiyeli 37:1-10 rifite umutwe ugira uti : “ Iyerekwa ry’amagufwa yumye.”iri jambo rya magupfa risobanura yuko Uwiteka yashakaga kuzahura ubwoko bw’Israel bwari bwaraguye maze Imana ibasezeranya kongera kubazahura mu buryo bw’umwuka wayo.Byasobanuraga ko bari barapfuye,hanyuma Imana yongera kubazura mu buryo bw’umwuka bitewe numugambi yari ibafiteho.
Ku murongo wa cyenda ngo “ Maze arambwira ati “Hanurira umuyaga, uhanure mwana w’umuntu, maze ubwire umuyaga uti ‘Uku ni ko Umwami Uwiteka avuga ngo: Uturuke mu birere bine wa mwuka we, uhuhe muri iyo mirambo kugira ngo ibeho.’ ”Umuyaga usobanura umwuka w’Imana wagombaga kujyana ubuzima mu magupfa yari yarumye maze Uwiteka abwira Umuhanuzi guhanura kuko Umuhanuzi adahanuye ntabwo Imana ishobora gukora icyo yifuzaga gukora.Ibyo avuga rero cyangwa asobanura nibinyoma mu mubwire yitonde kuko arabeshya byaramurangiranye Uhoraho yarimanukiye nta bwo azongera kubeshya ubwoko bw’Uwiteka Imana.
Intumwa ya Satani Dr.Paul Gitwaza, yatangiye ivuga ko Umwuka w’Imana wigabanyijemo imiyaga ine imeze nka mpandenye, aho dufite iburasirazuba, iburengerazuba, amajyaruguru n’amajyepfo. Aho hose ngo hagombaga kuva imiyaga ine yakomokaga ku muyaga umwe. Icyo ngo ni igihe abantu bari bagiye gusigwa ubwa kabiri, maze Imana ikabwira Ezekiyeli ngo “Bwira umuyaga ngo ‘Turuka mu birere bine wa mwuka we.’”
Mu kubisobanura yaherere ku muyaga w’iburasirazuba avuga ko ari uwo guca imanza. Kuva 10:13, Ezekiyeli 17:10. Ngo mu Kuva, Imana yababajwe n’uko Abisirayeli bari bafashwe nabi, ikoresha umuyaga w’iburasirazuba kugira ngo ibabohore ibavane mu bibazo batejwe. Ngo umuyaga w’iburasirazuba ni umuyaga urwanya abanzi bawe. Ni umuyaga uhangana n’abahanganye nawe.Gitwaza yararindagiye,umuyaga usobanura umwuka w’Imana,kuko cyera Imana ikoraga ibintu mu buryo bugaragara(Pysicaly)
Ati : “ Imana igiye guhangana n’abahanganye nawe. Imana igiye kohereza inzige mu banzi bawe. Inzige zigiye kuza.”Umuyaga w’iburengerazuba nk’uko Intumwa ya Satani yabivuze, ngo ni umuyaga usukura, woza ukeza.Ibi bisobanuro Gitwaza abikura hehe?Jyewe nifashije bibiliya yitwa (APPLICATION STUDY) ngaho natange references zaho akura ibisobanuro.
Ati : “ Ikizira bagushyizeho cyose, ugiye kozwa. Ugiye gusukurwa, ugiye gusubirana réputation ( icyubahiro ) yawe. Ugiye kongera kuba wowe, ibyo bagututse bigiye kukuvaho. Akazi k’uyu muyaga ni ukugusubiza mu isuku yawe. Izina ryawe rikongera kuba rya rindi, igikundiro cyawe kikaza. Ugiye guhuha mu mirima yawe, ugiye guhuha mu bana bawe, ugiye guhuhaku kazi kawe.”
Kuva 10:19, “Uwiteka ahindura umuyaga uhuha cyane w’ishuheri uvuye iburengerazuba, ujyana za nzige uziroha mu Nyanja Itukura, ntihasigara na rumwe mu gihugu cya Egiputa cyose.”
Kuri iri Jambo avuga ko Imana igiye gusukura ikoresheje umuyaga w’Iburengerazuba, ikavanaho inzige zose, ikagarura icyubahiro cyawe, ikakoza, ikakweza, ikakuzamura ikoresheje umuyaga w’iburengerazuba.
Ngo umuyaga w’Amajyaruguru ni umuyaga w’imbaraga, gusubizwamo imbaraga, Imvura y’Imana, ububyutse, gukanguka, aho yakomeje abwira imbaga y’abakristo ko Imana igiye kohereza umuyaga w’Amajyaruguru mu buzima bwabo, gukanguka gushya, ngo ibihe byabo n’Imana biraje.”
Indirimbo ya Salomo 4:16, ngo “Kanguka wa muyaga w’ikasikazi we, Nawe uw’ikusi ngwino, Huha hejuru y’umurima wanjye, Kugira ngo impumuro y’imibavu ihari ikwire hose. Reka umukunzi wanjye aze mu murima we, Arye amatunda ye meza.”
Ati : “ Hari igihe kigera umuntu agahumurira abantu nabi, ariko iyo Imana ikoherejeho umuyaga w’Amajyaruguru, utangira kugira impumuro nziza. Buri wese akakwegera, akagukunda afféction ( kwitabwaho ) ikagaruka, ukongera kubwirwa neza. Uba wahuhiweho n’umuyaga w’Amajyaruguru.”
Imigani 25:23, ngo “Umuyaga uva ikasikazi uzana imvura, Ni ko n’ururimi ruzimura rutera kwiraburirwa mu maso.”
Yahanuye agira ati : “ Ndabona imitima ya benshi irasamye igiye kwakira imvura. Ubutaka bwari bwumye, imvura yamanutse. Imirima yari yumye, imvura iramanutse. Ibitekerezo byari byarumye, imvura iramanutse. Imishinga yari yarumye, imvura iramanutse. Ibikorwa byari byarahagaze, imvura iramanutse. Amadeni menshi, imvura iramanutse, abari barwaye imvura iramanutse. Abari barushye imvura iramanutse. Imvuraaaa!!! ”
Umuyaga w’Amajyepfo ni umuyaga umanura ubukungu. Ni umuyaga umanura ubutunzi. Ni umuyaga umanura abantu mu bukene, ni umuyaga umanuka mu butayu abantu bakarya bagahaga.
Gitwaza ati : “ Imana igiye kongera kukugenderera. Umuyaga uzana ubukungu waje. Umuyaga ukemura ibibazo by’imyenda waje. Umuyaga w’amajyepfo ni umuyaga ukurura imigisha. Imigisha yawe iraje. Imigisha nikugereho, nikuzeho, nikwicareho, nikumanukire.”
Zaburi 78: 26-29, Bibiliya iravuga ngo : “ Ihuhisha mu ijuru umuyaga uturutse iburasirazuba, Iyoboza ubutware bwayo umuyaga uturutse ikusi. Kandi ibamanurira inyama nyinshi nk’umukungugu, N’inyoni ziguruka nyinshi, Zimeze nk’umusenyi wo ku nyanja, Izigusha hagati mu rugo rw’amahema yabo, Zigota aho bari. Nuko bararya barahaga cyane, Yabahaye ibyo bifuje.”
Ati : “ Umuyaga w’Ikusi ugiye kugera mu gikoni cyawe. Umuyaga w’ikusi ugiye kugera kuri konti yawe. Umuyaga w’ikusi ugiye mu mifuka yawe, ugiye kugera kuri konti yawe, ugiye kugera mu mu bigega bya bene wanyu, mu ruhongore rw’inka zawe, ugiye kugera mu mirima yanyu. Mugiye kurya, mugiye guhaga, ibyo mwifuje Imana igiye kubibaha. Umuyaga w’ikusi ugiye kugukura mu bukode. Umuyaga w’ikusi ugiye kugushyiriraho ibigega bitazashira. Ugiye kugera ahantu wibaze uti : ‘ Ese kugira inzara byari bimeze gute? Kwambara ubusa byari bimeze gute? Kubura minérval ( amafaranga y’ishuri ) byasaga gute?’ umuyaga w’ikusi ugiye kukwambika. Ugiye kukugira mwiza. Umuyaga w’ikusi ugiye kugukamira.”
Gitwaza byaramurangiranye ntabwo agifite icyo yavuga kuko ubuhanuzi buvuga ko,imbaraga ze,zarangiye kandi ko,wa mwuka wa (Trissimen) yahawe watumaga agira igikundiro,warangije igihe cyawo ku buryo ubu adashobora kongera kubeshya ubwoko bw’Uhoraho Uwiteka Nyiringabo kuko Uwiteka yarimanukiye ntabwo agifite imbaraga zo kongera kubeshya.
Save
Save
