Inkongi Umuriro wahitanye abantu 43 muri Portugal

Abategetsi bo muri Portugal baravuga ko umuriro w’ishyamba wahitanye abantu bagera kuri 43 hafi ya Coimbra.

Benshi bapfuye igihe bageragezaga guhunga akarere ka Petrogao Grande kari ku birometero 50 uvuye i Coimbra.

Leta iravuga ko bahungaga bari mu modoka zabo.Abatabazi bazimya umuriro bari mu bantu 59 bakomeretse.

Ministri w’intebe Antonio Costa yavuze ko uyu ari umuriro w’agasozi ukaze kurusha iyindi Portugal yahuye nayo mu myaka mike ishize.Umubare w’abahitanywe n’iyi nkongi y’umuriro ushobora kwiyongera.

Ibitangazamakuru byo muri Portugal biravuga ko kuzimya uyu muriro bitari hafi nubwo bwose hafi abazimya umuriro 600 bari mu gikorwa cyo kugerageza kuwuhagarika.