Indege z’intambara z’Ubushinwa zazibiye indege imwe ya gisirikare y’Amerika yari hejuru y’inyanja yo mu majy’epfo y’Ubushinwa, nk’uko bivugwa n’ubushikiranganji bwo kwivuna abanzi bw’Amerika.
Ibyo byabereye mu kirere kitagenzurwa n’uwariwe wese, bikaba byarabaye kw’itariki 17 z’ukwezi kwa gatanu igihe abasirikare barwanira mu mazi b’Amerika bariho bahakorera imyitozo.
Ariko umuvugizi w’ubushikiranganji bw’ububanyi n’amahanga by’Ubushinwa yahakanye ibyo birego by’uko kubangamira umutekano w’indege mur’icyo kirere cy’indege z’Ubushinwa.
Ibihugu bitari bike byiyitirira ako karere karimwo ubukungu bwinshi kari mu majy’epfo y’Ubushinwa.Ubwoba bwabaye bwinshi cyane muri iyi misi, mu gihe Ubushinwa n’Amerika bariho baraterana amagambo ku bikorwa byabo bya gisirikare.
Umusirikare umwe wagiranye ikiganiro nitanga makuru rya Associated Press, yavuze ko umudereva w’iyo ndege byabaye ngomwa ko amanuka imetero 200 kugira ntagongane n’izo ndege z’Ubushinwa.Muri iki cyumweru ku musi wa kane, Hong Lei, wo mu bushikiranganji bw’ububanyi namahanga y’Ubushinwa yahakanye ibyo bivugwa ko ntashingiro bifite bidafite aho bihuriye nukuri.
