Iyindi ntambwe mu gushaka kumenya uwishe colonel Karegeya igiye gushyirwa mu bikorwa muri Afrika y’epfo
Muri Afrika y’epfo, umucamanza azatangira kwumviriza abantu bafite icyo bazi ku rupfu rwa Patrick Karegeye yahoze ari umukuru w’iperereza mu Rwanda.
Ni isuzuma rikorwa n’umucamanza ritandukanye n’urubanza nyiri izina rw’abakekwaho uruhare mu bwicanyi bwa Patrick Karegeya, nubwo abakekwa bivugwa ko bahunze cyangwa bahinzwe muri Afrika y’epfo.
Ariko rero n’ubwo ari ukwumvirizwa gusa, iki gihe gishobora kuba igiteye isoni kuri leta y’u Rwanda, kuko ibimenyetso bigenda bishirwa ahabona ku gikekwa ko ari ubwicanyi bwa politike bwakorewe umwe mu batarya umunwa mu kunegura leta.
Bwana Karegeya yarigeze kuba umukuru w’urwego rw’iperereza mu Rwanda, ariko mu nyuma ntiyakomeje guhuza na perezida Paul kagame.
- Afrika yepfo: Karegeya yiciwe muri Hotel
- Amerika yamaganye iyicwa rya Karegeya
- Afrika y’epfo igiye guperere ku wishe Patrick Karegeya, ariko umugore we avuga ko amuzi
Uyu mukuru w’igihugu arashimwa ko yahinduye cyane u Rwanda kuva icyo gihugu giciye mu bihe bya genocide mu 1994.
Ariko icyo anegurwa cyane, n’uko atihanganira abo badasangiye ibyiyumviro.
Aregwa gupfunga abo batavuga rumwe, no gukoresha imirwi y’abacanshuro mu kubahiga no kubica.
Igihe amakuru y’uko Patrick Karegeya yishwe anigiwe mw’ihoteri yo mu muji wa Johannesburg yamenyekanye, ubutegetsi bw’u Rwanda bwarigambye.
Bwakiriye neza iryo gandagurwa rya Patrick Karegeya, bumwita ko yari “imbwa, n’umuhemu”.
