Kur’ uyu musi w’imana ushira noheli ku muhingamo, eka no mu gatondo ka Noheli, mw’isoko rikuru rya Gitega, ahadandarizwa impuzu n’ibirato, aho abadandaza bagabanije ibiciro, abakiriya ni benshi baza kuraba, ariko bagenda bataguze.
Abanyagihugu bavuganye n’ijwi ry’Amerika bavuga kw’ uwo musi mukuru ushitse bari mu bukene.
Babandanya bamenyesha ko hamwe bosamazwa n’imisi mikuru bashobora, kubura uburyo bwo kurungika abana ku mu mashure mu gice ca kabiri.
Abajejwe intwaro mu ntara ya Gitega bahimiriza abo barongoye kwigumya mur’ ino misi mikuru, ntibahave basesagura umwimbu wabo, ngo baze baheze binjiranwe na kigoyi mu nyuma.
