Ishyirahamwe ry uBurayi ritewe impungenge n’itegeko muri Israel ryemerera Abayahudi bonyine ukwishira bakizana
Ishyirahamwe rya Burayi ryamenyesheje ko ritewe impungenge n’itegeko rishasha ryo muri Israel rivuga ko Abayahudi bonyine ari bo bafise uburenganzira bwo kwishira bakizana muri ico gihugu.
Umuvugizi w’uwujejwe imigenderanire n’amakungu muri iryo shirahamwe, Federica Mogherini, yavuze ko iryo tegeko rizobangamira umwumvikano kw’ishingwa rya leta zibiri, iya Israel n’iya Palestine.
Iryo tegeko rigena Igiheburayo nk’ururimi rwemewe rwa Israel, rigashira Icarabu ku rwego rwo hasi.
Abarabu b’abanye Israel biyamirije iryo tegeko bivuye inyuma bavuga ko rivangura amoko kandi ko riteye kubiri na demokrasi.
Ariko umushikiranganji wa mbere wa Israel, Benjamin Netanyahu, yakeje iryo tegeko avuga ko iki ari “igihe ngirakamaro” cane muri kahise ka Israel.
