Leta ya Amerika itegekanya gutangura igikorwa cyo guha uburenganzira amashirahamwe ashoboye kubaka igihome rugabura Amerika na Mexique mu kwezi kwa kane. Ni mu ntumbero yo gushyitsa kimwe mu byasezeranywe na Prezida Donald Trump. Ibiro bijejwe gucungera imbibe z’igihugu cya Amerika bimenyesha ko bizotangura kwakira impapuro zabahiganirwa iryo soko mu ndwi buca itangura, bikazohitamwo abarusha abandi itariki ya mirongo ibiri z’ukwezi kuza kwa gatatu.
Prezida Trump yatangarije mu nama y’abanyepolitike, kur’uyu wa gatanu, ko uwo mugambi ugeze kure. Yahumurije abari mur’iyo nama ko ata nkeka, urwo ruhome ruzokwubakwa. Prezida Trump yatangaje ko urwo ruhome ruzotwara amafaranga angana na miliyari cumi na zibiri z’amadolari. Yamara icyegeranyo cyasohowe n’ibiro bijejwe umutekano, kivuga ko urwo ruhome rushobora gutwara amafaranga angana n’imiliyari makumyabri n’imwe n’ibice bitandantu z’amadollari.
Prezida Trump yamye ashikiriza umugambi wo kwubaka uruhome rugabura Amerika na Mexique, mu ntumbero yo gutorera umuti ikibazo cy’abimukira batagira ivya ngombwa, n’urudandaza rw’ibiyayuramutwe. Prezida Trum yatangaje ko igihugu cya Mexique kizofasha mur’uwo mugambi. Yamara abategetsi ba Mexique bariyamirije akatari gake ko ata ruhara bafise mur’uwo mugambi. Ibyatumye imigenderanire y’ibyo bihugu ukw’ari bibiri bitahungabana.
Save
Save
