Ubushikiranganji bujejwe umutekano muri leta Zunze Ubumwe za Amerika bwasohoye inzandiko zibiri nshyashya zivuga kw’itegeko rya Prezida Donald Trump kubijanye n’abimukira batemewe n’amategeko. Inzandiko zasohowe kur’uyu wa kabiri, n’Umushikiranganji ajejwe umutekano mu gihugu, John Kelly, zivuga k’urutonde rw’abimukira bategerezwa kwirukanwa k’ubutaka bwa Amerika.
Abakozi bo mu biro bijejwe kwakira impunzi n’abimukira bafite kandi uburenganzira bwo gushira mu ngiro ayo mategeko yose. Ayo mategeko ntafata abimukira bashitse muri Amerika ar’abana, basanzwe bakingiwe n’itegeko ryashizweho n’uwahora ayoboye Amerika, Prezida Barack Obama. Abo nabo baharugwa mu bihumbi amajana indwi na mirongo itanu.
Abaharanira agateka ka zina muntu bamenyesha ko imigambi mishasha ya leta irongowe na Prezida Donald J. Trump ihohotera imiryango y’abimukira baharugwa muma miliyoni, bari hirya no hino muri Amerika. Ayo mategeko aje asubirira iryari ryasohowe na Prezida Trump ku bihugu by’aba isilamu, amategeko yari yahagaritswe n’amwe muma sentare y’Igihugu.
