Ubumanza bw’u Rwanda bwahagaritse gukomeza kuburanya Diane Rwigara
Diane Rwigara na nyina bakuweho ibyaha byo kugumura abanyagihugu babankisha ubutegetsi hamwe no gukora amasinyatire ya magendo y’abayoboke, igihe yifuza kwitoza mu kibanza cy’umukuru w’igihugu mu matora yo mu 2017.
Ubumanza ntibwemeye ingingo yo kubagira abere, mu nyuma bushingisha urubanza rwo kujurira, ariko uno munsi bukaba bwavuze ko ubushikiranganji bw’ubutungane bwabusabye kubihagarika.
Iyo baza gutsindwa nurubanza, uwo munyapolitike urwanya ubutegetsi bwa Perezida Paul Kagame, yari gufunganwa na nyina imyaka irenga 20.
Kuva urubanza rugitangira, Diane yarahakanye ibyo aregwa, avuga ko bishingiye ku mvo za politike.
Naho hari ibintu byinshi biriho birahinduka mu gihugu cy’u Rwanda, Perezida Paul Kagame aridogerwa cyane ko ahonyanga agateka k’ikiremwa muntu, kandi ko atihanganira abatavuga rumwe nawe.
